Para rematar este curso 2014-15 presentamos os traballos realizados polos alumnos de 6º de infantil coa súa titora Cristina Casal. Os nosos meteorólogos afecionados máis xóvenes tamén saben traballar seguindo o método científico: rexistran os datos cuidadosamente, extraen información dos datos, a presentan mediante gráficas e sacan as súas conclusións.
Tamén traballaron o clima nos seus proxectos sobre as estacións, os estados da auga, o Sol,...
Non deixedes de ver a súa presentación!
O alumnado de 4º de ESO elaborou poemas "meteorolóxicos" ao estilo hilozoísta ou imaxinista. Cos seus poemas e as fotografías dos alumnos e alumnas de 3º de ESO elaboramos este caderniño poético que agardamos que vos guste.
O mes de xuño xá está aquí, despois do maio longo. O nome deste mes provén do latín Iunius, mes da deusa Xuño. O tamén chamado "mes de San Xoán" é un dos meses preferidos do refraneiro. Vexamos algúns exemplos:
A auga de San Xoán leva o viño e tolle o pan.
A sardiña en San Xoán xa molla o pan.
A sardiña por abril cóllea polo rabo e déixaa ir, por maio ásaa no rescaldo e por san Xoán xa molla o pan.
Abril chuvioso, maio pardo e san Xoán ventoso traen o ano compogoso.
As tormentas por san Xoán tollen o viño e levan o pan.
As trampas de san Xoán, por onde veñen van.
As trampas de san Xoán saen pola man.
Ata o san Pedro, o viño ten medo.
Ata san Xoán non te quíte-lo gabán.
Auga entre maio e xuño, vale máis cós bois e o xugo
En san Xoán, as nove co día dan.
En san Xoán, bótalle a fouciña ó pan; en Santa Mariña, da meda fai fariña.
En san Xoán, encéndese a fogueira e canta o can.En san Xoán, o raposiño come pola súa man.
En san Xoán, o tempo aínda pon cara de can.Xaneiro, xeadeiro; febreiro, verceiro; marzo, airoso; abril, chuvioso;
maio, pardo; san Xoán, claro, valen máis estos meses cas súas mulas co
seu carro.
Os alumnos de 2º de primaria rexistraron os datos de temperatura e precipitación cos que elaboraron gráficas e traballos coa súa profesora Mª José , na seguinte presentación podedes ver un resumo:
Os alumnos de 3ºESO realizaron durante os meses de maio e xuño na asignatura de Matemáticas as gráficas de xaneiro a
maio de 2015 na folla de cálculo cos datos da estación automática: